Hivi Ndivyo Unavyoweza Kulitimiza Lengo Lako Kubwa la Mwaka 2024.

Je umekuwa ukiweka malengo madogo huku ukiyakimbia makubwa kwa kuona huwezi kuyafikia?

Je mwaka 2024 una lengo kubwa kiasi cha kupata wasiwasi kama kweli utaweza kulitimiza?

Usiwe na wasiwasi. Ukitaka kumla ng’ombe usipeleke mdomo wako na kuaanza kumng’ata angali mzima. Badala yake mkate kwenye vipande vidogo vidogo.

Una uwezo mkubwa wa kutimiza lengo kubwa na kupata mafanikio makubwa.  Lakini ili uweze kutimiza lengo lako kubwa fanya hivi.

1. Liandike lengo lako kubwa unalotaka ulitimize mwaka 2024. Kwa mfano; Kutengeneza kipato cha sh. 7,200,000/ ifikapo 31/12/2024.
2. Gawa kwa 12 kujua kipande unachotakiwa kutimiza kwa mwezi. Kwenye mfano wa hapo juu. Kipato itakachotakiwa kuingiza kila mwezi ni 7,200,000 ÷ 12= 600,000/
3. Gawa tena kujua kipande chakocha siku.
   Kwenye mfano wa hapo juu, kipato utakachotakiwa kuingiza kila mwezi ni 600,000 ÷ 30 = 20,000/.
4. Ainisha nini unachotakuwa kufanya ili uweze kutimiza lengo lako la siku. Kama kuingiza kipatoa cha sh 20,000 je utafanya nini ili kuingiza kipato hicho? Je ni biashara au kuajiriwa?

Kwenye mfano wa hapo juu, ulipoitazama sh 7,200,000/ inawezekana ilikutisha sana lakini ukizungumzia sh 20,000/ kwa siku ni kitu ambacho unaona kuna uwezekano wa kupata ukiamua kujitoa hasa.

Lipi ni lengo lako kubwa mwaka 2024? Ligawe kwa miezi 12 kisha kwa siku 30 ili ujue nini unatakiwa kufanya kila siku. Kisha weka nidhamu kubwa kwenye ili kutimiza lengo lako.

Hakikisha unakipata kitabu cha AMSHA UWEZO WAKO HALISI ili kiweze kukuongoza kuamsha uwezo wako mkubwa ndani yako kisha kutimiza malengo makubwa uliyonayo mwaka 2024.

Wasiliana nasi sasa kupitia 0752 206 899 kuwahi nakala chache za ofa ya mwaka mpya zilizobaki.

“Unastahili Zaidi Ya Unachokipata Sasa”

Karibu sana.

Imeandikwa na Alfred Mwanyika,
Mwl. & Kocha (Uwezo Wako Halisi & Mafanikio),
Mawasiliano;Simu 0752206899/0714301952
Barua pepe: alfred@amshauwezo.co.tz
Tovuti: www.amshauwezo.co.tz