Hapa Ndipo Utajiri Wako Ulipo…..

Moja ya kitu ambacho binadamu amekuwa akikitamani maishani mwake ni utajiri..yaani kuwa na utele kwenye kila eneo la maisha yake.

Mahangaiko mengi ambayo umekuwa ukiyafanya ni kujaribu kuwa tajiri (huru) maishani mwako.

Kwa sababu ni muda mrefu sasa huupati na wala huoni dalili za utajiri huo, umejiuliza mara kadhaa utajiri huo umejificha wapi?

Leo utapata jibu utajiri wako ulikojificha. Umejificha juu ya mabega yako. …usishangae..ndiyo juu ya mabega yako…

Juu ya mabega yako kuna kichwa chenye ubongo na akili….kumbuka akili ndiyo inayotoa mawazo….na kila kitu kinaanza kama wazo.

Hivyo kama kuna utajiri umeukosa ni kwa sababu hujafanikiwa kutengeneza wazo la utajiri akilini mwako…..kama ulifanikiwa kulitengeneza basi umeshindwa kuendelea kukaa nalo kisha kulifanyia kazi…..

Ubongo uliojuu ya mabega yako unatengeneza mfumo wa ajabu na mgumu sana katika dunia hii….

Mwanafizikia Michio Kaku alisema ” Ubongo wa mwanadamu una chembechembe hai za fahamu bilioni 100 na kila chembe imeungana na chembe nyingine elfu kumi. Kinachokaa juu ya mabega yako ni kitu kigumu sana kukitambua hapa duniani “

Utajiri wowote unaoutaka; fedha, mahusiano, umaarufu, utimilifu….unaanza kwa kuuumba akilini mwako..

1. Hakuna kitakachotokea nje yako kama hujakiweka wazi akilini mwako; kaa na fikiri na weka wazi nini unataka.
2. Usiweke mipaka. Unachokipata kinalingana na ukubwa uliouweka kwenye akili yako…usijipunje akili yako ni kubwa sana…
3. Kirudie mara nyingi. Baada ya kujua nini hasa unakitaka…kiandike mara kwa mara mpaka kiingie kwenye akili yako ya ndani..
4. Kiwekee mpango wa kuanza kutekeleza ili upate matokeo. Mpango ueleze wazi ni hatua gani unachukua, lini na kwa namna gani?
5. Sasa weka kazi tena kazi kubwa bila ya kukoma mpaka upate matokeo.

Utajiri gani unatamani uupate maishani mwako? Upo juu ya mabega yako…uufikiri kwa viwango vikubwa kisha weka kazi kubwa….utakuwa wako.

Hata hivyo kitabu chako cha MWONGOZO WA KUWEKA NA KUTIMIZA MALENGO YAKO kitakusaidia kuweka malengo kwa usahihi na kukusukuma kuchukua hatua kisha kupata matokeo uliyoyasubiri kwa siku nyingi.

Habari njema ni kuwa leo unakipata kitabu hiki kwa bei ya ofa kabisa; sh 3,000 tu. Lipia kwenye mpesa 0752 206 899(Alfred Mwanyika). Utakipokea kitabu chako ndani ya dak. 3.

Unastahili Zaidi Ya Unachokipata Sasa.

Karibu sana.

Alfred Mwanyika
Trainer,  Author and Entrepreneur
AMSHA UWEZO
www.amshauwezo.co.tz
0752 206 899.