Huwezi Kuona Mwanga Wa Mafanikio Yako Bila Kubonyeza Swichi Hii.

Hata ukiwa kwenye chumba chenye giza nene lakini ukifanikiwa kubonyeza swichi ya taa ya umeme, mwanga utatokea na nuru itatawala. Baada ya nuru kutawala ndipo unaweza kuona vitu vingi ambavyo mwanzoni ulikuwa huvioni. Mara nyingi swichi hujificha hivyo lazima utambue wapi ilipojificha ili kuweza kufanikiwa kuliondoa giza hilo. Bila hivyo utaendelea kukaa kwenye giza licha taa ya umeme kuwepo kwenye chumba hicho.

Hivi ndivyo ilivyo kwenye maisha yako ya mafanikio ya hapa duniani. Mafanikio yako yamefichwa gizani, huyaoni licha ya kuyatafuta kwa muda mrefu. Wale waliofanikiwa kuyapata ni wale waliofanikiwa kuiona na kuwasha taa ya chumba cha mafanikio yao. Lakini kuna idadi ya watu wengi ambao bado wapo chumbani lakini hawajawasha swichi hiyo na hivyo kuendelea kukaa kwenye giza la umasikini. Najua unatamani uifahamu ni swichi gani unaweza kuiwasha na kisha kuona mwanga wa mafanikio yako. Ndugu swichi hiyo ni MAAMUZI.

Ni mpaka pale utakapofanya maamuzi ya kutaka kupata kile unachotaka ndipo unapoweza kukipata.  Chochote unachokifanya na kukipata maishani mwako kinategemea maamuzi unayoyafanya. Bila kufanya maamuzi huwezi kufanya kitendo chochote. Hata kama gari liwe na uwezo wa kusafiri umbali mrefu na kufika safari yake, bila ya dreva kufanya maamuzi ya kuliondoa gari, gari hilo haliwezi kutimiza hayo. Vivo hivyo kwako, ndani yako una uwezo mkubwa wa kufanya mambo makubwa na kufikia mafanikio makubwa, lakini hayo yote hayawezi kutokea kama hutaamua kuchuka hatua hiyo.

Hii inaitwa swichi kwa sababu hata uwe umezungukwa na kila kitu kinachoweza kukusaidia kupata chochote unachotaka, lakini hutapata vyote hivyo usipochukua hatua muhimu ya kuamua kwa dhati kuwa unataka kukipata kitu fulani. Inawezekana umetamani mara nyingi kuwa mtu wa aina fulani, kuwa na kitu fulani, kufika hatua fulani maishani, kufikia kipato fulani lakini hujavipata kwa sababu hukubonyeza swichi hii muhimu ya maamuzi hivyo umeishia kuwa na matamanio tu.

Swichi ya kwanza kabisa ya maamuzi unayotakiwa kubonyeza ni kuamua kuchukua jukumu la maisha yako. Hakuna chochote cha maana kinachoweza kutokea maishani mwako kama hutaamua kwa dhati kabisa kushika hatamu ya maisha yako. Hakuna mtu mwingine anayeweza kutengeneza maisha unayoyataka kwa niaba yako isipokuwa wewe. Amua leo kuwa dereva wa maisha yako. Tambua kusudi lako na liishi kikamilifu. Tengeneza ndoto yako kubwa na itimize. Weka malengo yako na yatimize.

Unaweza kujiuliza ni kwa nini watu wengi hawawashi swichi hii na kuyaishi maisha yao kikamilifu? Kumekuwa na changamoto nyingi katika hili ndiyo maana wengi wameshindwa kuiwasha na kuishi kwenye giza la kushindwa au kwenye mafanikio hafifu. Unahitaji maarifa sahihi, mwongozo sahihi, hamasa ya kudumu, watu sahihi na mahitaji mengine muhimu ili utambue wapi swichi yako ilipo na kisha kuiwasha na pia kuifanya kuendelea kuwaka huku ukiendelea kuona mwanga wa kutengeneza mafanikio yako.

Kwa kulitambua hilo mtandao wa AMSHA UWEZO umeandaa kundi maalumu la wasap litakalo kusaidia kutambua swichi ya mafanikio yako ilipo na kuhakikisha taa inaendelea kuwaka huku ukitengeneza mafanikio yako makubwa. Kwa kujiunga na kundi hilo utapata

1. Mafunzo mbalimbali kama semina

2. Usimamizi wa malengo yako

3. Miongozo kama Kutambua kusudi lako, kuweka na kutimiza malengo

4. Makala na dondoo kila siku

5. Hamasa, kwa kuwa karibu na watu sahihi

6. Uchambuzi wa vitabu

Ada ya kujiunga na kundi hili ni shilingi elfu kumi (10,000/) tu, ambayo unaweza kulipa kwa awamu mbili. Ada hii ni ndogo sana ukilinganisha na thamani kubwa utakayoipata, lakini lengo lake ni kuhakikisha huikosi nafasi hii muhimu maishani  mwako kwa sababu ya gharama. Hii siyo ya kuikosa, chukua hatua leo.

Bonyeza kiunganishi hiki kujiunga

https://chat.whatsapp.com/Dx1HF02stFq2LxIqoRTAUD

 Kwa maelezo zaidi piga 0752 206 899/0714 301 952 (Mwl. Alfred Mwanyika)

 “Wekeza kwenye Maarifa Timiza Malengo Yako”