Maswali yatakayokupeleka kwenye mafanikio makubwa

Licha ya mafanikio kuwa na maana tofauti kwa watu mbalimbali, lakini kila mtu ana tamaa ya kuwa na mafanikio makubwa. Kila mtu amekuwa akitamani vitu fulani vitokee katika maisha yake. Tamaa ya mafanikio hayo inaweza kuwa kupata mali,fedha, elimu au umaarufu fulani.

Mafanaikio makubwa anayoyatamani mtu yanapatikana kwa kujiuliza maswali muhimu kuhusu yeye. Maisha ya watu wengi yamekuwa ya kawaida yasiyo na furaha kwa sababu ya kushindwa kujiuliza na kujibu maswali hayo ya msingi. Kwa sababu ya kutojiuliza maswali hayo, mtu ameendelea kuishi maisha yoyote kwani hana majibu ya maswali haya ya msingi ambayo yangemuongoza wapi kwa kuwekeza muda, nguvu na maarifa  yake.

Utafanikiwa kuishi maisha yenye  mafanikio makubwa hapa duniani kama utafanikiwa kujiuliza maswali haya ya msingi.

Swali la kwanza, Wewe ni nani? Hili ni swali la utambulisho wako, kujua asili yako. Usipofahamu wewe ni nani ni vigumu kujiuliza maswali yanayofuata. Huu sio utambulisho wa jina lako au mahali unapotoka bali chanzo chako.

Swali la pili, Kwa nini upo hapa duniani? Hili ni swali jingine muhimu la kukufikirisha sababu ya wewe kuwepo hapa duniani. Utaona kuna muunganiko wa swali hili na swali la kwanza kwani ukijua wewe ni nani inakuwa rahisi kujua kwani nini upo hapa. Kwa kutojiuliza swali hili muhimu watu wameishia kufanya kitu chochote badala ya kile kilichowaleta hapa duniani. Kujua sababu ya wewe kuwepo hapa duniani inakuwa sababu ya wewe kuishi maisha ya mafanikio makubwa.

Swali la tatu, Una nini ndani yako? Hili ni swali ambalo litakuonyesha uwezo ulio nao. Kwa kila sababu au kusudi ambalo mtu anakuwa nalo, hupewa uwezo wa kipekee wa kumwezesha kuishi kusudi hilo kikamilifu. Hivyo jiulize ni kitu gani unaweza kufanya kwa  utofauti mkubwa ukilinganisha na watu wengine?

 Swali la nne, Nini hatima ya maisha yako? Hili ni swali litalokuonyesha uelekeo  wa maisha yako. Kupitia swali hili utajua ni alama gani inabidi uiache hapa duniani. Hivyo nguvu zako zote zitaelekezwa huku ili kuhakikisha unaiacha alama hiyo. Kupitia swali hili utafanikiwa kutengeneza ndoto yako na kuiishi kikamilifu na ndiyo itakayokuwa inakuelekeza wapi inabidi ufike.

Haya ni miongoni mwa maswali ambayo kwa sababu hujajiuliza umeshindwa kuisha maisha yako kwa mafanikio makubwa na kuishia maisha ya kawaida. Watu unaowaona wana mafanikio makubwa ambayo yamekuwa yakiongeza tamaa ya kutafuta maisha unayoyatamani wamefanikiwa kujiuliza na kujijibu maswali haya muhimu kuhusu maisha yao.

Ndugu! Umetamani maisha ya mafanikio makubwa kwa muda mrefu sasa, leo nimekuambia siri mojawapo ya kuyapata maisha unayoyatamani. Tenga muda kila wakati na kisha jiulize maswali haya muhimu. Ndani mwako kuna majibu yote ya maswali haya muhimu. Usikilize moyo wako kwa makini nao utakupa majibu kisha anza kuyafanyia kazi mara moja. Inaweza isiwe rahisi kupata majibu mara moja hivyo kama hujapata jibu leo, usihofu bali endelea kujiuliza mpaka utakapopata majibu ya maswali haya muhimu.

Kitabu cha AMSHA UWEZO WAKO HALISI kimeelezea zaidi kuhusu maswali haya muhimu unayoweza kujiuliza na kupata utambulisho wako na nini unaweza kukifanya kufikia upekee wako. Pata nakala yako leo kwa kupiga simu namba 0752 206 899 ili kuanza kujiuliza na kupata majibu ya mawsali haya muhimu.

Imeandikwa na Alfred Mwanyika,

 Kocha na Mwalimu wa uwezo wako halisi.

Mawasiliano:

Simu: 0752 206 899/0714 301 952

Email: alfred@amshauwezo.co.tz